THALAMEGOS

THALAMEGOS
apud Sueton. Iulio, c. 52. cum qua (Cleopatra) et convivia in primam luccm saeve protraxit, et eâdem nave thalamego paene Aethiopiâ tenus Aegyptum penetravit: Graeca vox est, παρὰ τὸ ἄγειν τὸν θάλαμον, quod cubiculum serret dicta, Cubiculata hinc Senecae, item Lusoria, l. 7. de Benesic. c. 20. quod voluptati solum et oblectationi inserviret. Cuiusmodi naves parata habebant Aegyptii Reges DCCC. ut videre est apud Appianum, Prooemio. Similes, si usum spectes, veterum Gallorum paradae sunt, de quibus Ausonius et Sidonius. Item illa Neronis, de qua Plut. περὶ ἀοργησ. Gripus Rudente,
Post animi causâ mihi navem faciam, imitabor Stratonicum,
Oppida circumvectabor etc.
Inprimis vero celebris fuit Thalamegos, navis a Philopatore aedificata, quâ voluptatis gratiâ cum uxote et liberis per Nilum veheretur. Eius longitudo fuit dimidii stadii, h. e. pedum 312. latitudo maior quam cubitorum 30. altitudo cum tabernacnli subrecto fastigio, parum a 40. cubitis aberat. Figurâ nec longas naves imitabatur, nec rotundas, sed ab illis diversa, pro usus commoditate et altitudine fluvii: inferne quidem ad carinam lata et humilis, at eius summae partes pracipue ad proram, multum extendebantur: duplex prora, duplexque puppis. In alvo media, cenationes erant et constructa cubicula: in ambitu navis, duplex deambulatio, non minore circuitu, quam iugerum quinque et Inferioris quidem humoque propioris species ac dispositio portui similis, quam columnae sustivebant: superior autem et a terra distantior, camerata, fenestris fenestrarumque inter sepimentis undique circumdata. Vestibula ambulationum ex ebore aliave materia pretiosissima. His adiuncta fuit domus, unô tantum columnarum ordine circum vallata, quae lectos 20. capiebat, maximâ aedificii parte e cedro fissili materiata cupressoque Milesia: Fores ex assamentis thyinis coagmentatae, cum eburneis ornamentis; in quarum fronte clavis oftiorumque marculis et annulis, ex aere rubro conflatis, color aureus igne adscitus est. Columnarum scapi e cupresso; capitula operis Corinthiaci, aurô et ebore ornata; epistylium (trabs est columnarum eapitulis im posita) totum aureum, cui diasosma seu praecmctio aptata, cum insignibus animantium imagunculis eburneis, cubitô maioribus, artisicii mediocris, sed numerô materiô que admirandis. Coentaioni tectum superstabat elegans, e cupressi ligno, cum variis ornamentis sculptis, inauratâ superficie. Inde dormitorium cubiculum cum tectis quinque, cui coniunctus fuit angustus canalis, in latum per navis alveum distentus, mulierum conclave dirimens, in quo cenaculum fuit cum lectis novem, sumptu et magnificentiâ par maiori ae cubiculum cum lectis quinque. Atque ad primum usque tectum haec ita disposita fuerunt. In scalas vero cubiculo vicinas ubi ascendisses, alia domus apparebat, instructa quinque lectis, convexâ tecti summitate, figurâ rhombo simili: et propeipsam, aedes Veneris camerata, in testudinis rotundum fastigium desinente cacumine, in qua marmorea Divae statua. E' regione huius domus aliud erat cenaculum sumptuosum, unô columnarum ordine circumseptum, columnis constructis e lapide Iudaico: cui propinqua cubicula iis, quae antea declaravimus, ornatu simili respondebant. In proram euntibus Bacchica domus subiacebat, unô columnarum ordine cincta, inauratis suggrundiis, sive tecti prominentiis, usque ad epistylia circumdata. Tecti fabrica eadem, quae et Veneris aesis: ad dextrum latus antrum effossum fuit, eô prorsus colore, qui videtur in lapideo caementitioque opere, ex variis lapidibus atque aurô confectum. In eo regiae stirpis ac cognationis imagines collocatae, ex lychnitide arbore. Fuit et alia cenatio perquam amoena, super maximae domus tecto posito, ordine et formâ tentorii: Adversô flumine cum navigabatur, aulaea in ea expandebantur purpurea. Cenationem excipiebat locus dialis, cuius in superiore parte navis ea collocatio fuit, quae subiectae prostadis seu viae, quae a porticu in Gynaeceum ducebat. Hinc vicina scala tortilis, quaead occultam ambulationem tendebat et cenationem novem lectis instructam, sabricâ Aegyptiacâ. Nam teretes quae illic columnae fuêre, vertebratis scalpturis differebant, candidae vicissim ac nigrae. Rotunda in illis forma capitulorum totaque
circumscriptio rosis aliquantulum dehiscentibus similis. Circa partem, quam calathum vocant, nullae volutae fuerunt, quemadmodum in Graecis: crassa nulla folia, sed loti fluviatilis calyces et palmae nuper germinantis fructus. In quibusdam aliorum florum multua genera exsculpta. quod autem radici capituli suberat, nempe quod vertebrae iungenti cum scapo insidebat, ciboriorum, h. e. fabae Aegyptiacae, floribus et veluti complicatis foliis caelatum erat: Sie enim Aegyptii parietes construebant et ornabant, quos nigris lateribus et albis variabant, interdum etiam lapide, quem alabastritem vocant. Aedificia quoque multa, alia in media mole alvi navis et in cunctis eius partibus fuêre: Malus cubitorum 90. velum byssinum, i. e. e tenuissimo lino, purpureis funibus ornatum. Vide Adam. Preyelium, Sinae et Europae c. 25. ubi et aliam ab eodem Philopatore navem exstructam pluribus persequitur. De Thalamegis hodiernarum gentium, Sinensium inprimis, supra aliquid, ubi de Navibus. Addam hoc unum, quod vocem nonnulli, quasi θάλαμον μέγαν, Thalamum, seu Cubiculum, seu Palatium magnum, appellatam malint. Namque: halami nomine domus quoque magnificas et palatia venire, notum.

Hofmann J. Lexicon universale. 1698.

Look at other dictionaries:

  • Thalamēgos — (gr. Ant.), eine Art Paradeschiff mit prächtigen Zimmern, bes. bei den alexandrinischen Vornehmen, z.B. die Schiffe der Kleopatra …   Pierer's Universal-Lexikon

  • Thalamegos — Der Thalamegos (altgriechisch θαλαμηγός = Leiter des Gemaches (der Gemächer) von θάλαμος, οι (thálamos, Pl. oi) = Gemach, Gemächer, ἡγεῖσθαι (hegeísthai) führen, leiten) war ein 115 m langes, ca. 14 m breites und ca. 20 m hohes… …   Deutsch Wikipedia

  • Thalamegós — Der Thalamegos (altgriechisch θαλαμηγός = Leiter des Gemaches (der Gemächer) von θάλαμος, οι (thálamos, Pl. oi) = Gemach, Gemächer, ἡγεῖσθαι (hegeísthai) führen, leiten) war ein 115 m langes, ca. 14 m breites und ca. 20 m hohes prunkvolles… …   Deutsch Wikipedia

  • Kallixeinos — von Rhodos (altgriechisch: Καλλίξεινος ὁ Ῥόδιος ) war ein aus Rhodos stammender hellenistischer Schriftsteller und Historiker des 3. Jahrhundert v. Chr. Er lebte in Alexandria zur Zeit der Ptolemäerdynastie (Ptolemaios II. Ptolemaios IV.) und… …   Deutsch Wikipedia

  • NAVIS — I. NAVIS cuius inventum suerit, diximus supra. Longam primus Iason exstruxisse dicitur, circa Pelium montem, et magnitudine et reliquô apparatu consuetum eô tempore modum excedentem, quod illius aetatis homines ratibus fere et parvis acatiis vehi …   Hofmann J. Lexicon universale

  • Michael (ship) — A model of Michael in the Royal Museum Career (Scotland) …   Wikipedia

  • MS Navigator of the Seas — Navigator of the Seas at the port of Barcelona in Spain. Career Nam …   Wikipedia

  • MS Freedom of the Seas — Freedom of the Seas off the coast of Cozumel, Mexico in its maiden voyage. Career Name …   Wikipedia

  • Nemi ships — The remains of the hull of one of the two ships recovered from Lake Nemi. Workers in the foreground give an indication of scale …   Wikipedia

  • MS Oasis of the Seas — MS Oasis of the Seas; Nassau, Bahamas; January 2010 Career Name: Oasis of the Seas …   Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.